O SDC San Adrián non entende de maleficios. O conxunto granate derrotou por 3-2 o Xuventú Cambados. O San Adrián tivo o partido controlado en todo momento grazas ao traballo en bloque.
Crónica:
O SDC San Adrián tiña claro o seu obxectivo e ían loitar por conseguilo. Dani no primeiro minuto chegaría ao fondo da liña para centrar, pero o seu centro sería moi longo. Fran cun disparo dende a frontal da área foi o primeiro en tratar de sorprender a Joaquín. O equipo xa avisaba do seu perigo.
O Cambados intentábao e nun teu meu, escapábaselles a primeira oportunidade para sorprender a Felipe, pero este moi atento saíu a polo balón.
Con todo, os locais seguían convencidos do seu traballo sobre o campo e Joky, nunha xogada individual dá o balón a Fran, este centra dende a esquerda e remata Dani que envía o esférico ao fondo da rede.O San Adrián poñíase por diante no marcador co segundo tanto de Dani dende o comezo da tempada.
Os cambadenses intentábano a balón parado pero Victor cortaría o tiro. Minutos máis tarde serían os visitantes,outra vez, os que nunha xogada na que Julio por banda dereita centra e Juan conseguía empatar o partido.
Nos últimos minutos o equipo achegouse á área visitante pero o resultado non se moveu. Tras o paso por vestiarios, o San Adrián saíu con máis iniciativa para buscar a meta de Joaquín e así conseguiu o seu obxectivo. Unha falta sobre Moisés que saca Israel, corta a defensa, recolle o rexeitamento Moisés, o seu disparo dá nun dos contrarios e o esférico coábase na portaría de Joaquín.
Nunha xogada na que Bande rouba o balón á defensa cambadense, entra como un obús na área e en vez de dar o pase da morte a Dani, tira e Joaquín corta co seu pé dereito.
O Cambados intentábao cun disparo no que Felipe sacaba unha man milagrosa e evitar que o balón se coase na portaría.
No minuto 65, Fran decoraba o marcador cunha xogada individual preciosa e lanzou un potente chut contra o que nada puido facer Joaquín que viu como o esférico se coaba na súa portería. A afección festexaba este magnífico tanto.
O xogo volveuse máis impreciso e as ocasións menos perigosas que na primeira metade. No minuto 79, o Cambados acurtaría distancias cun disparo de Cascallar dende a frontal da área.
Os locais levaban o control do partido e o partido finalizaba con vitoria sanadrianensa. A loucura desatábase no campo de O CURA e o equipo sumaba tres puntos máis á súa cuadrícula. Terceira vitoria consecutiva do equipo.
AUPA SDC SAN ADRIÁN!!!.
SDC San Adrián 3
Felipe, Charly,Vasco (Juxx min. 75) o, Victor, Israel, Moi, Bande, Joky, Dani ( Rafa min. 70), Román ( Tito min. 90) e Fran(Neno min. 85).
Atlético Marcón 2
Joaquín, Saeriz, Noli, Toti, Nani, Edu, Juan (Angelo min. 59), Julio (Alvaro min. 72), Brais, Cascallar e Jimenez (Iñaky min. 65).
Goles: 1-0 min.26: DAni, 1-1 min. 42: Juan,2-1 min.46: Moi, 3-1 min.65: Fran e 3-2 min.79: Cascallar.
Árbitro: Daniel Alvarez Vilar, auxiliado nas bandas Moreno Balea e Taboada Mosleiro. Amoestou con amarela ao local Vasco.
Incidencias: Partido correspondente á III Xornada do grupo V de Primeira Autonómica disputado no campo de “O Cura”, ante uns cen seareiros.
No hay comentarios:
Publicar un comentario